ბესიკ ჩუბინიძის დოკუმენტური ფილმი "ვარდების რევოლუცია - უშტატივოდ"

შეგიძლიათ დაგვირეკოთ და ჩვენი ჟურნალისტები მიიწვიოთ ნებისმიერი კულტ-ღონისძიების გასაშუქებლად. დარეკეთ 899-57-66-22 * * * ნებისმიერ საკითხთან დაკავშირებით დაგვირეკეთ 8-99-57-66-22 * 95-78-10 * აკრძალულია რომელიმე ფოტოს ან ტექსტის შეუთანხმებლად სხვაგან გამოქვეყნება!!! თიკო სადუნიშვილს კაცი გაექცა, - ბექა ელბაქიძე თავის ადგილს ვერ პოულობს ტელე-კომპანია „იმედის“ გადაცემა „თბილისის ლაივს“ კვლავ ერთი წამყვანი - „ლეგნდარული“ თიკო სადუნიშვილი ეყოლება, ასეთი გადაწყვეტილება მიიღეს გადაცემის პროდუსერებმა, რადგან აშკარად ეტყობოდა, რომ ბექა ელბაქიძე და მისი დაყენებული „პროფესორას“ იმიჯი ვერანაირად ვერ ჯდებოდა სადუნიშვილის ფორმატში. ზოგადად ამ ბიჭის გზა ცოტა უცნაურია, წლების წინ რადიო „საქართველოს ხმიდან“ დაწყებული და დღეს „იმედის“ დილის ეთერით დამთავრებული, ვერდამკვიდრებული და საკუთარ ადგილ-ვერ-ნაპოვნი ბიჭის შთაბეჭდილებას ტოვებს, რომელიც საკუთარი „განათლების“ მიუხედავად, თითქოს მუდმივ ძიებაშია, მაგრამ საინტერესოა ასე, ვერცერთ სამსახურს როგორ ვერ უნდა მოერგო ადამიანი და როგორ ვერ უნდა იპოვო საკუთარი თავი, როცა შენს წინ გადაშლილი (ჩემდა გასაკვირად) ამდენი შესაძლებლობა ვერ გამოიყენო? მოკლედ ბევრგან-ნავალი და ბევრ ადგილმოცვლილი ბექა ამჯერად „იმედის“ „დილის ეთერიდან“ აფრქვევს საკუთარ მაღალფარდოვან, მაგრამ არაფრისმომცემ სიტყვებს :), ვნახოთ აქ რამდენხანს გაჩერდება. თიკო კი, ამჯერადაც კაცის გარეშე დარჩა (ეთერში რათქმაუნდა) და მიუხედავად იმისა, რომ ის ქართულ შოუ-ბიზნესში ნულოვანი კომპეტენციის ჟურნალისტია ყოველგვარი ანალიზის კეთებისა და შემაჯამებელი დასკვნების გაკეთების შეძლების საქმეში, მაინც აქტიურად უძღვება ლამის მხოლოდ მაღაზიების სარეკლამო გადაცემად გადაქცეულ „თბილისი ლაივს“, რომელშიც მგონი აღარც ქართველი „სელებრითები“ აღარ დადიან ინტერვიუებზე, ვგონებ მისივე აღმოჩენილმა ანზორ თეთრაძემაც (დიზაინერ ბიჭოლას, რომ ეძახიან და ლილოში ნაყიდ 5 ლარიან მასალებს, 800 ლარად, რომ ტენიდა გოიმ ქართველ ბომონდელებს და ელიტარებს) კი, ჭკუის დამრიგებლის როლი მოირგო თიკოზე, რომელსაც ამბობენ, გამორჩეულად მაღალი გემოვნება აქვსო... თუმცა რაში, ეს ვერ გავიგე? სხვათაშორის ჩემი ქალური ინტუიცია ყოველთვის მკარნახობდა, რომ გადაჭარბებული სარკაზმი და დაუსაბუთებელი კრიტიკული დამოკიდებულება ქართველი მშრომელებისადმი )ლეიბორისტებს არ ვგულისხმობ - შოუ-ბიზნესში მშრომელებს ვამბობ), სტიმულს უგდებდა მათ და სურვილს უკარგავდა იმისას, რომ რაღაც ახალის შექმნის სურვილი გაუჩნდეთ, რადგან ვიღაცეებს თურმე ეშინიათ - ვაიმე, რამე ცუდი სიუჟეტი არ გაუშვას ამ გოგომ ჩემზე თავის გადაცემაშიო :) და საქვეყნოდ არ გამიფუჭოს ცხოვრება და კარიერაო! - და ასე გინდათ ქართული ესტრადის განვითარება? :) - მოამზადა ირიშკა მეტრეველმა - (ქვევით შეგიძლიათ მოუსმინოთ ლექს-სენის და თიკო სადუნიშვილის ადრეული წლების "ჰიტს" :) ტელე-კომპანია „მიუზიკ ბოქსი“ 6 წლის გამხდარა ცოტახნის წინ ტელე-კომპანიამ, რომელიც კორპორაცია „საქართველოს“ საკუთრებას წარმოადგენს (მის საფარქვეშაა გაერთიანებული რადიოები - „ფორტუნა“ „ფორტუნა+“ „არ დაიდარდო“ და „აუტო რადიო“) დაარსებიდან თურმე უკვე ექვსი წლის იუბილე იზეიმა და სტუმრები რესტორან „კრუიზში“ შეკრიბა - საქმიანი პარტნიორები, კონკრეტული მომღერლები, კონკრეტული ჟურნალისტები, მხიარულობა, ტორტი, სანთლები და ტრადიციული გართობა- დროსტარება ვიწრო ახლობლურ წრეში. მართალია „მიუზიკ ბოქსი“ პატარა საკაბელო ტელევიზიაა, რომელსაც სამწუხაროდ მხოლოდ თბილისის რამდენიმე უბანი უყურებს, მაგრამ მაშინ როცა საერთოდ არცერთი მუსიკალური არხი აქტიურობით არ გამოირჩევა (ანდა რომელი გვაქვს? – „პირველი სტერეოღაა“ დარჩენილი, რომელმაც თავის დროზე ძალიან დიდი როლი შეასრულა ქართული შოუ-ბიზნესის განვითარებაში) სხვა გზა არაა და ვისაც აქვს საშუალება ამ არხს უყურებენ, - სხვათაშორის, მათი როლი ყველაზე დიდია უცხოელი ვარსკვლავების საქართველოში დროებით მაინც გაპოპულარების საქმეში - „ას ფაივი“ „ტოკიო ჰოტელი“ ჯასტინ ბიბერი და ბევრი სხვა ვისი სურათებიც დღეს აქტიურად იბეჭდება ჟურნალებში „მიუზიკ ბოქსის“ გაპოპულარებულია, - მაგრამ „კრუიზში“ გამართულ საღამოზე ისინი არ ჩამოვიდოდნენ, ამიტომ ადგილები ქართველი ცნობადი სახეებით შეავსეს. გათამაშებულა უამრავი პრიზი და საჩუქარი, გამოვლენილა რამდენიმე ნომინაციაც, თურმე მარკუს მეტრეველი ტელე-კომპანიის აღმოჩენადაც დაუსახელებიათ (თუმცა მე მახსოვდა, რომ ეს მომღერალი საქართველომ 2009 წლის „მეგას“ დაჯილდოების ცერემონიალიდან გაიცნო), როგორც გავიგეთ ქართველ მომღერლებსაც უღიღინიათ სცენაზე და ჟურნალისტებსაც. 6 წლიანი არსებობის მანძილზე ტელე-კომპანია მაქსიმალურად ცდილობად ყველაფერი გაეშუქებინა რაც კი ქართულ და უცხოურ შოუ-ბიზნესში ხდებოდა (ზოგადად გასართობ ინდუსტრიაში), გამოირჩეოდა სარკაზმული და მკბენარა ქართული სიუჟეტებითაც და თითქოს ეჯიბრებოდა კიდეც ბოლო დროს „გაჯაზებულ“ და „რეიტნგულ“ თიკო სადუნიშვილის გადაცემა „თბილისი ლაივს“, მაგრამ ალბათ ექვსჯერ ექვსი წელი დასჭირდება ისეთი ტელევიზიის საქართველოში გაკეთებას სადაც სიტყვა - ფორმატი, აღარ იარსებებს, რადგან ბევრი ქართველი ცნობადი სახე სწორედ ამ ერთ სიტყვას გაურბის რადიო-ტელევიზიებისგან : - იცით, თქვენი პროდუქცია ჩვენს ფორმატში არ ჯდება (ყველაზე ადვილია ამ სიტყვათა წყობით ადამიანი კულტურულად მოიშორო), - მერე კიდე გვიკვირს რატომ არაფერს არ აკეთებენ ერთეული მომღერლების გარდა არავინო და რატომაა ქართული შოუ-ბიზნესი მკვდარიო, თუმცა ეს სხვა თემაა... მე კი, მინდა დაბადების დღე მივულოცო „მიუზიკ ბოქსის“ კოლექტივს და წარმატებული მომავალი ვუსურვო მათ, მეტი ქართული სიუჟეტი, მეტი ქართულის პროპაგანდა და მეტი თავისუფლება და დამოუკიდებლობა - მოამზადა ირიშკა მეტრეველმა ნინი შერმადინი გადაცემაში „პ ი რ ი ს პ ი რ“ რადიო „საქართველოს ხმაზე“ 24 იანვარს, 19:00 საათიდან ჟურნალისტ ბესო ჩუბინიძის საავტორო გადაცემაში - „პირისპირ“ სტუმარი - ქართული ესტრადის გამოკვეთილი სახე, ახალგაზრდა ვარსკვლავი ნინი შერმადინი იყო, რომელმაც წამყვანთან ღიად და დაუფარავად ისაუბრა მრავალ საინტერესო თემაზე, ისაუბრა პერსექტივებზე და სამომავლო გეგმებზე, დაუფარავად გამოხატა გაკვირვება მისი პერსონის იგნორებაზე სახელისუფლო კონცერტების დროს. აღნიშნული საუბრის ჩანაწერი შეგიძლიათ გადმოწეროთ ამავე ბმულიდან (დააწკაპუნეთ ნაწერზე). შეგახსენებთ, რომ გადაცემის მოსმენა შეგიძლიათ ყოველ სამშაბათს საღამოს 7 საათიდან რადიო „საქართველოს ხმაზე“ ფმ 107,9 ნინა წკრიალაშვილი გათხოვდა და კათოლიკე მონაზონი გახდა ნუ იფიქრებთ, რომ მომღერალმა კულტურის სამინისტროში მუშაობა მიატოვა, მართმადიდებლური მრწამსი კათოლიკურზე გაცვალა და მონაზვნად აღიკვეცა :) - არა, უბრალოდ თანამედროვე ჩინოვნიმა გადაწყვიტა, რომ სიმღერას დაბრუნებოდა და ახალი სიმღერა და კლიპი გადაეღო, რომელსაც აქვე გთავაზობთ. სხვათაშორის კლიპი ხარსიხობრივად იდეალურია, შინაარსობრივად მისი ეფექტურობა სადაოა, ალბათ დედა ეკლესიის გარევა ამ საქმეში არ გამოვიდა და სწორედ ამის გამო მიიღეს გადაწყვეტილება, რომ კათოლიკურ (ვგონებ პეტრე-პავლეს ეკლესიაში) გადაეღოთ მონაზონი ნინას კადრები. კიდევ ერთხელ ვადასტურებთ, რომ ქართული რეალობისთვის იდეალური ხარისხის კლიპია, თუმცა კრიტიკას ვერ უძლებს ტექსტის შინაარსის და სიუჟეტის აბსოლიტური აცდენა, ტრადიციულად „მატირეს“ სტილის ტექსტი და კლიპის შინაარსი მაინცდამაინც ერთ კონტექსტში ვერ ჯდება, თუმცა - მუსიკას აშკარად კარგი განწყობა მოაქვს და კლიპსაც უხდება. თავად თანამედროვე ჩინოვნიკი იმდენად კარგად ასრულებს უმწიკვლო მონაზონის როლს, რომ ვიღაცამ შეიძლება იფიქროს, ნეტავ ეს მსახიობი რატომ მეცნობაო :) სხვათაშორის ნინა წკრიალაშვილი ცოტახნის წინ მეორედ გათხოვდა და ახლა თავს ბენიერად გრძნობს, წყვილი უკვე დაბრუნდა პარიზიდან, სადაც ერთად გაატარეს საქორწინო მოგზაურობა. სულ რამდენიმეთვიანი ურთიერთობა 33 წლის ნინა წკრიალაშვილსა და 41 წლის თენგო წივწივაძეს შორის იმდენად სწრაფად განვითარდა, რომ ნინას ოჯახის წევრებისთვისაც კი, საკმაოდ მოულოდნელი ნაბიჯით - გათხოვებით დამთავრდა. რასაც ჩვენი ჟურნალი ულოცავს და სიყვარულის მარადიულობას უსურვებს ახალდაქორწინებულებს. მამუკა ლომაშვილის „სახლი თეატრში“ 5 წლის გახდა პატარა, ლამაზი საბავშვო სტუდია, რომლის ხელმძღვანელი ნიჭიერი მსახიობი მამუკა ლომაშვილია ხუთი წლის იუბილეს ზეიმობს, რამდენიმე დღის უკან სტუდიამ „თეატრში ათონელზე“ ერთგვარი შემაჯამებელი და საანგარიშო ღონსიძიება ჩაატარა მოწვეული სტუმრების წინაშე, რომელთა შორის საზოგადოებისთვის ცნობილი სახეებიც იყვნენ - ეთერ კაკულია, გიორგი გეგეჭკორი, ბიძინა მახარაძე, რაულ ქირია, ნაზი ალასანია და სხვანი, სხვათაშორის სწორედ ამ ქალბატონის დიდი წვლილია იმაში, რომ 5 წლის უკან გლდანში დაარსებული ეს საბავშვო სტუდია და თეატრი ჩამოყალიბებულიყო. უამრავი ფესტივალის და ღონისძიების ლაურიტი და გამარჯვებული „სახლი თეატრში“ იმ დღეს მაყურებლის წინაშე ხუთი წლის მანძილზე დადგმული სპექტაკლებიდან ნაწყვეტებით წარსდგა, უდაოდ აღსანიშნავია მამუკა ლომაშვილის ენერგიულობა, საქმისადმი სიყვარული, ენთუზიაზმი და შრომისმოყვარეობა, ის წვლილი რომელიც მან შეიტანა ამ პატარა თეატრის წარმატებაში, - სხავთაშორის მისი დამსახურებაა საბავშვო-თეატრალური ფესტივალ „მაჩაბელას“ ჩატარებაც, რომელიც წელს უკვე მესამედ იგეგმება. მამუკა ლომაშვილი: - დღეს მოყვარულთა დებიუტიც შედგა ამ საღამოზე, ბევრი ბავშვი პირველადაც მონაწილეობდა, კმაყოფილი ვარ და ვიმედოვნებ, რომ 10 წლის იუბილეს გაცილებით გრანდიუზულადაც ავღნიშნავთ. ძალიან კარგი ბავშვები არიან, ნიჭიერები და შრომისმოყვარენი. ორსაათიანი ღონისძიების შემდეგ, შეკრება ქართულ სუფრაზე რესტორან „კოსმოსში“ გვიანობამდე ვიწრო წრეში გაგრძელდა. ერევნიდან პირდაპირ ლონდონში ჩვენი პრეზიდენტი, რომ გულუხვობით გამოირჩევა და დანაპირებსაც ყოველთვის ( ხანდახან მაინც) ასრულებს, ამაზე „ევროვიზია ჯუნიორ“-ის კონკურსზე გამარჯვებული ჯგუფ “ქენდ”-ის ლონდონური ვოიაჟი მიუთითებს, რომლის საგზურითაც ინგლისური ენის შემსწავლელ კურსებზე გასამგზავრებლად ისინი სააკაშვილმა დააჯილდოვა. ძველით ახალი წლისთვის ამაზე კარგ საჩუქარს ვერც ინატრებდა კაცი. (14 იანვარს გაემგზავრნენ ლონდონში) ჯგუფ “ქენდის“ „ბზიკები“-სგან განსხვავებით აშკარად გაუმართლად, მათაც ველოსიპედები რომ არ აჩუქეს. „ბზიკების“ გამარჯვებიდან (2008 წელი) სამი წლის შემდეგ, ჩვენი ქვეყნის ბიუჯეტიც გაიზარდა და პრეზიდენტმაც ფანტაზიას მისცა გასაქანი. ბევრი იფიქრა თუ ცოტა იფიქრა გადაწყვიტა ეს ბავშვებიც სასწავლებლად გაეშვა ჩვენი მინისტრების მსგავსად, თან დიდი დიდი რამდენიმე წელი იყოს მათ შორის სხვაობა :)). ინგლისში გასამგზავრებელი ბილეთების შეძენის ფუფუნებაც მისცა თავს, - წავლენ ბავშვები, ქვეყანას მაინც ნახავენ სხვა თუ არაფერიო. მოკლედ, პროგრესი ნამდვილად ჩანს ველოსიპედიდან - საგზურებამდე. საინტერესოა, რა სურპრიზი ელოდება „ევროვიზიის“ მომდევნო გამარჯვებულს, თუ მომოვალ წელსაც გაგვიმართლებს და ისევ საქართველოს წარმომადგენელი დაიკავებს პირველ ადგილს? როგორც გამოცდილებამ გვაჩვენა, მონაწილეების ასაკის ზრდასთან ერთად პრიზების „სერიოზულობაც“ იზრდება. ვინ იცის, იქნებ რომელიმემ მინისტრობასაც გამოჰკრას ხელი, ჩვენი მინისტრების ასაკის გადამკიდე არც ეგ გაგვიკვირდება. ჯგუფ “ქენდის“ „ევროვიზიამ“ კი ნამდვილად გაუხსნა გზა ევროპისკენ. - მოამზადა თამუნა ნადარეიშვილმა . „აფხაზეთის ხმის“ დაჯილდოება „ჰოლიდეი ინნ“-ში ერთ-ერთმა თბილსურმა რადიომ, კონკრეტულად კი „აფხაზეთის ხმამ“ (მას ნინო ჩხეიძის რადიოდ უფრო იცნობს ხალხი) კიდევ ერთხელ შეჰყარა ჩვენი (ჯერჯერობით დაუდგენელ მდგომარეობაში მყოფი) შოუ-ბიზნესის რამდენიმე წარმომადგენელი, სასტუმრო „ჰოლიდეი ინნ“-ში, სადაც დაჯილდოება გაიმართა, ორი ეტაპად - წლის ყველაზე პოპულარული სიმღერის შემსრულებლებს „ზარაფხან“-ის მიერ დამზადებული მოოქრული ქანდაკებები გადასცეს თურმე (აბა ოქროს ღირსი რომელია?), ხოლო მეორე ტიპის დაჯილდოვება გულისხმობდა გასული წლის ყველაზე პოპულარული ათი მომღერლის დაჯილდოვებას, რომლებთაც სიმბოლურად უბრალო დიპლომები აჩუქეს. მოკლედ, მთავარია სიმღერა იყოს კარგი, თორემ ვინ იმღერებს რა მნიშვნელობა აქვს, პრიზიც ამ ნომინაციაში გაცილებით მომხიბლავია. ისე, მთავარია ყურადღება, თორემ დიპლომი იქნება, ქვის ქანდაკება, ოქროს თუ ვერცხლის, ჩვენი ღვაწლმოსილი მომღერლებისთვის არსებითი მნიშვნელობა არ აქვს მგონი :). დიპლომები გადაეცათ: დუეტ „ჯორჯიას“, თიკა ფაცაციას, ჯგუფ „სეიშენს“, მარკუს მეტრეველს, ივანა მილაის, ჯგუფ „მეტს“. ამ უკანასკნელ ორ შემსრულებელს დარწმუნებული ვარ დიპლომიც ძალიან გაუხარდებოდათ, მოოქროვილ ქანდაკებებამდე ჯერ ბევრი აქვთ სამუშაო :), ამიტომ უნდა მიბაძონ ამ „საპატიო პრიზის“ მფლობელ მომღერლებს - ანრი ჯოხაძეს, სოფო ნიჟარაძეს (ძნელი კია მისი მიბაძვა) ნოდიკო ტატიშვილს, დათო არჩვაძეს და ჰიტების მქონე სხვა მომღერლებს და იქნებ ისეც დაუდგეთ საქმე, რომ თუ კარგად იმუშავებენ, ქვეყნის მთავარ მუსიკალურ პრემიას - „მეგას“, გამოჰკრან ხელი 2012 წლის დაჯილდოების ცერემონიალზე. - მოამზადა თამუნა ნადარეიშვილმა . მამათა და შვილთა ბრძოლა, ანუ ბუბას და მერაბის „ჩხუბი“? ლალი მოროშკინასა და თაკო ფხაკაძეს დიდად, რომ არ ეხატებოდათ გულზე ერთმანეთი ეს არავისთვის იყო ახალი ამბავი, მაგრამ ვინ ვინ და მშვიდი და გაწონასწორებული მერაბ სეფაშვილი მამისტოლა ბუბა კიკაბიძეს თუ „წაეჩხუბებოდა“, ვერავინ წარმოიდგენდა. „ჩხუბი“ ახალი წლის ღამეს ანაკლიაში გამართულ საახალწლო კონცერტზე მომხდარაო, ჭორაობენ თბილისური გაზეთები, რომელთა უმეტესობა აჭრელდა მსგავსი სახის პუბლიკაციებით. თითქოს მერაბის სცენაზე ასვლისას ბუბას უთქვამს - ადი ახლა სცენაზე და „ჩემი გმირი გიწოდე“ იმღერეო. კიკაბიძის ნათქვამი სეფაშვილს სწყენია და უთქვამს, - თქვენგან განსხვავებით, ფული რუსეთში ჩატარებული კონცერტებით არ მიშოვიაო. მოკლედ, ვიღაცას კუჭი აეწვაო, ვიღაცას მაზოლზე ფეხი დააჭირესო და კამათი ისე გამძაფრებულა, მანდილი სხვა ქართველ მომღერლებს ჩაუგდიათ. ჟურნალ „რეიტინგთან“ საუბრისას, მერაბმა უარყო გავრცელებული ჭორი - მამისტოლა კაცთან როგორ უნდა მეჩხუბა, ბუბა მამაჩემის უახლოესი მეგობარი იყოო! - მოკლედ, მთავარია ყველაფერი მშვიდობით დამთავრდა და კიდევ კარგი „ჩხუბის“ დროს საახალწლო სუფრას არ უსხდნენ, თორებ მოროშკინას ჩანგლის ტრიალი, შეიძლება, მონაგონი გამხდარიყო :) - მოამზადა თამუნა ნადარეიშვილმა . ეთერ კაკულია გადაცემაში „პ ი რ ი ს პ ი რ“ რადიო "საქართველოს ხმის" პირდაპირ ეთერში სამშაბათს, 17 იანვარს - 19:00 საათიდან ჟურნალისტ ბესიკ ჩუბინიძის საავტორო გადაცემაში "პირისპირ" - მორიგი ექსკლუზიური სტუმარი, ქართული ესტრადის ყველაზე გამოკვეთილი მსახიობი, საქართველოს მუსიკალური დაჯილდოების "მეგას" ცერემონიალის გამარჯვებული 2011 წლის ნომინაციაში - "წლის ყველაზე პროდუქტიული მომღერალი" - ეთერ კაკულია იყო, რომელმაც ტრადიციულად საათნახევრის განმავლობაში ნამდვილი შოუ მოაწყო გადაცემაში, ისაუბრა ყველაფერზე რამაც შეიძლება ადამიანი გაახალისოს, გაამხიარულოს და სმენად აქციოს :) ეთერ კაკულიას დადებითი აურის მიზეზები, მომავლის პერსპექტივები, აწმყოს რეალობა და წარსულის ნოსტალგიები, - ეს, ის თემებია რომლებიც გადაცემის მსვლელობის დროს იქნა განხილული. გადმოწერეთ აღნიშნული ფაილი და მოუსმინეთ ინტერვიუს ჩანაწერს, მონტაჟის გარეშე. შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემაას "პირისპირ" საღამოს 19:00 საათიდან და ასევე შეგიძლიათ გადაცემის მსვლელობის დროს დარეკოთ პირდაპირ ეთერში ნომერზე 220-10-79 საქველმოქმედო ივენთი რესტორან "მეხიკოში" ძველი ახალი წლის შესახვედრად ტრადიციული საქველმოქმედო საღამო ჩატარდა რესტორან "მეხიკოში". ჯგუფი "მაქსპრომი", მედიის წარმომადგენლები, სამოდელო სააგენტო "მაქსიმუმი" ძეგვის ბავშვთა სახლისთვის სხვადასხვა კომპანიის მიერ შემოწირული საჩუქრები შეაგროვეს და საქველმოქმედო საქმიანობით დაიწყეს ძველით ახალი წლის შეხვედრა. საღამო საინტერესო, რომ გამოსულიყო დიზაინერმა თამარ კიკალეიშვილმა იზრუნა, რომლის სამკაულები "მაქსიმუმის" გოგონებმა მინი-ჩვენებაზე წარმოადგინეს. აქციაში ასევე, მონაწილეობა მიიღეს ილუზიონისტმა ზურა ვადაჭკორიამ და მომღერალმა ლევან ჯიბლაძემ. მასმედიის წარმომადგენლებმა: ტელეკომპანია "მუზიქ-ბოქსმა", ჟურნალმა “თბილისელებმა”, “პალიტრატივიმ”, საბავშვო ჟურნალმა “შოკოლადმა” ბავშვთა სახლის აღსაზრდელებისთვის გადასაცემად თავიანთი საჩუქრები მიტანეს. აქციას ერთჯერადი სახე არ ექნება და ის, პერიოდულ სახეს მიიღებს. სირცხვილი სახელად - 14 იანვრის ბათუმური კონცერტი არავინ იცის რა იყო ეს, მატრაკვეცობის გამოვლენის შესანიშნავი მაგალითი, გულითადი სამადლობელი 15 ქართველი მეზღვაურისადმი (რისთის? ალბათ 16 თვიანი ამტანობისთის მეკობრეების ხელში), პრეზიდენტისადმი ზედმეტი თავის გამოჩენა თუ უბრალოდ ძველითახალი წლის საბაბით რაღაცა კონცერტის ბათუმის ცენტრში ჩატარება, რომელსაც მაქსიმუმ 200-300 ადამიანი ესწრებოდა. არაორგანიზებულობის აპოგეა, ჟანრობრივად შეუსაბამო შემსრულებლები - ბოლო დროს გავარსკვლავებული ძმების დუეტი, ჯგუფი „მირაჟი“, ნიაზ დიასამიძე და მისი ჯგუფი „33-ა“, კახუჩელა და მისი ალბათ საუკუნის ყველაზე წარუმატებელი პროექტი - ტრიო ხანუმები და რათქმაუნდა - სოფო ნიჟარაძე, თუმცა კონცერტზე ტექნიკური მიზეზების გამო ვერ იმღერა ახალმა, ამ საქმეში შედარებით გვიან შემოსულმა თამთა ცხვიტავამ. საგანგებოდ აწყობილი სცენის წინ შეკრებილ 200-300 ადამიანს დიდხანს ეხვეწებოდა ყელგამოწვდილი კახაბერი - ხელები დამანახეთ, ან ტაში დაუკარით ან რამენაირად გაგვაგებინეთ რომ აქა ხართო, მაგრამ არაფერი გამოვიდა. საათნახევრიან უაზრო კონცერტზე ყველაზე საინტერესო პრეზიდენტის და იმ 15 მეზღვაურის გამოსვლა იყო, რომელიც ეკონომიკის მინისტრის ქალბატონი ვერა ქობალიას მოადგილის გიორგი კარბელაშვილის დახმარებით 16 თვიანი ტყვეობის შემდეგ გაანთავისუფლეს, რასაც სამწუხაროდ საბოლოოდ შეეწირა კიდეც გიორგი კარბელაშვილის ჯანმრთელობა, რომელიც იმ დროს როცა კახაბერი სცენის წინ შეკრებილ ადამიანებს ტაშის დაკვრას სთხოვდა, ის თბილისის ცენტრალურ კლინიკაში მალარიის დაავადებით იტანჯებოდა (იმედია საბოლოო ჯამში ბ-ნი გიორგი გამოჯანმრთელდება). არ გვაინტერესებს რანაირად, როგორ და რა საშუალებებით გაანთავისუფლეს 15 ქართველი და 3 თურქი მეზღვაური (რათქმაუნდა სპეოპერაციაზე ფიქრიც კი სასაცილოა), მაგრამ საინტერესოა რომელი უცხოელი ქართველი ვარსკვლავის ბათუმში ჩამოსაყვანი მილიონები "შეეწირა" ქართველების 16 თვიან წამებას სომალელი მეკობრეების ხელში, ელტონ ჯონის ალბათ ნადვილად არა :) მოამზადა ნიტა სამადაძემ სოფო ნიჟარაძე ორსულადაოო? ლამაზი, წარმატებული და ნიჭიერი თუ ხარ, მით უმეტეს თბილისში თუ ცხოვრობ, არავინ მოგცემს მოწყენის საშუალებას. შენზე იმდენ და ისეთ ჭორებს გაიგებ, რომ თავად დარჩები გაოცებული. აი, ჭორებზე თუ ვისაუბრებთ, გასულ წელს, ყველაზე მეტი მაინც სოფო ნიჟარაძეზე დაიწერა (სოფო ხალვაშის შემდეგ). რას და რა სახით არ საუბრობდნენ მასზე, - დაწყებული იმით, რომ მომღერალი ხშირად მიმართავს პლასტიკურ ქირურგიას და დამთავრებული მისი სექსუალური და გულუბრყვილო ბავშივით დაბურცული ტუჩები სულაც არ არის ბუნებრივიო, ამბობდნენ, - ვიღაცა უყვარსო, ვირაცას უყვარსო, ავტო-კატასტროფაში მოყვაო და ა.შ. ბოლო პერიოდში კი, ქართველი ვარსკვლავის გერმანულმა ვიზიტებმა ჭორის მოყვარულებს იქითკენ უბიძგათ, რომ მის ავადმყოფობებზე დაეწყოთ საუბარი. დაავადებების ჩამონათვალი, საკმაოდ გრძელი გამოვიდა, რა აღარ ითქვა, მერე მაინც ვერ გაიმეტეს ალბათ ცუდისთვის, ბევრი იმსჯელეს თუ ცოტა ბოლოს ორსულობაზე შეჩერდნენ :) - ბავშვს ელოდებაო, - ვისგან? (ყველაფრის თქმაც ხომ არ შეიძება? :) სოფო ნიჟარაძის ირგვლივ ატეხილ მითქმა-მოთქმას არა, მაგრამ მის წარმატებებს გამოეხმაურა ჟურნალი ”რეიტინგიც”. მომღერალს რედაქციამ წლის ლუდმილა ზიკინა უწოდა. ”რეიტინგმა” სოფოსა და ლუდმილას შორის ყველაზე სერიოზულ მსგავსებად ხელისუფლების მომღერლობა დაასახელა. როგორც ჟურნალი წერს, საქართველოში ბევრად მეტი ნიჭიერი მომღერალია, სოფოს კი მათთან შედარებით ის უპირატესობა აქვს, რომ პრეზიდენტი მფარველობსო. რატომ არის სოფო ნიჟარაძე მთავრობის ფავორიტი? სვამს შეკითხვას ჟურნალისტი და პასუხს ღიად სტოვებს... ლიზა ვადაჭკორია გადაცემაში „პ ი რ ი ს პ ი რ“ რადიო „საქართველოს ხმაზე“ 10 იანვარს, 19:00 საათიდან ჟურნალისტ ბესო ჩუბინიძის საავტორო გადაცემაში - „პირისპირ“ ახალი 2012 წლის პირველი სტუმარი - ტელეკომპანია „მიუზიკ ბოქსის“ პროგრამების დირექტორი, ჟურნალისტი ლიზა ვადაჭკორია იყო. კოლეგებმა ერთსაათიანი საუბრის განმავლობაში დეტალურად მიმოიხილეს გასული წლის ქართული შოუ-ბიზნესური მოვლენები, შემაჯამებელი რეზიუმე გაუკეთეს ზოგად სიტუაციას და საინტერესოდ ისაუბრეს სამომავლო პერსპექტივებზე და გეგმებზე, გაიხსენეს სამსახურებრივი კურიოზული შემთხვევები და მოვლნები. აღნიშნული საუბრის ჩანაწერი შეგიძლიათ გადმოწეროთ ამავე ბმულიდან (დააწკაპუნეთ ნაწერზე). შეგახსენებთ, რომ გადაცემის მოსმენა შეგიძლიათ ყოველ სამშაბათს საღამოს 7 საათიდან რადიო „საქართველოს ხმაზე“ ფმ 107,9 ჩამოვა, ჩამოვა - სულ კუნტრუშით ჩამოვა ჯონი მეუღლესთან ერთად ბათუმში 17 ივნისს ბათუმს (და არა ხაშურს) მორიგი მსოფლიო დონის ვარსკვლავი, მრავალგზის მუსიკალური პრემიის და ჯილდოს მფლობელი, მიუხედავად თავისი სექსუალური ორიენტაციისა მაინც სერ-ის წოდების მქონე ბრიტანეთის სამეფო კარისგან - ელტონ ჯონი ესტუმრება, სავარაუდოდ საყვარელ მეუღლესთან ერთად (რათქმაუნდა ბენდი და ტექნიკური პერსონალიც იგულისხმება). ზაფხულის ამ საჩუქრის გაკეთება საკუთარ თავზე ოფიციალურად კომპანია “ისთერპრომოუშენმა” აიღო, რომელიც უკვე მეგა-ვარსკვლავების ჩამოყვანაზეა ორიენტირებული საქართველოში და მაღალი ხარისხის მუსიკის და მუსიკოსთა პოლულარიზაციაზე აკეთებს აქცენტს. კომპანიის პრეზიდენტი მიხეილ გიორგაძე მართალია გადაწყვეტილად ვერ ამბობს, რომ ჯონი 17-ში ბათუმში იმღერებსო, მაგრამ დაგვიჯერეთ ძვირფასო მკითხველო - ეს, ამბავი რომ უკვე შეთანხმებული და გადაწყვეტილი არ იყოს ასე ხმამაღლა ელტონას სტუმრობაზე და მეტიც, კონკრეტულ თარიღებზე საუბარს ვერავინ გაბედავდა, თანაც ისეთი სერიოზული ხალხისგან როგორიც “ისთერპრომოუშენია” (სხვათაშორის იგი თბილისის დიდი საკონცერტო დარბაზის მფლობელია), ასე რომ თქვენ მაგაზე არ იდარდოთ - 17 ივნისს ჯონი ბათუმში ნადვილად ჩამოვა და სავარაუდოდ მასთან დუეტს კვლავ სოფო ნიჟარაძე შეასრულებს. არგვაქვს ინფორმაცია იცის თუ არა ბ-ნმა ელტონმა რამდენად ტოლერანტულია ჩვენი ქვეყანა მისი ორიენტაციის მამაკაცებისადმი, მაგრამ ალბათ მანამდე გაიგებს, რომ შარშან ამ ულამაზეს ზღვისპირა ქალაქში გეი-პარადიც ჩატარდა მცირე მაშტაბებით (არც თქვენ იცოდით ხო?) და ვინ იცის როცა ქართველი გეი-საზოგადოება, რომ თავიანთი მსოფლიო ლიდერის ჩამოსვლაში საბოლოოდ დარწმუნდება, რამხელა ზეიმი მოეწყოს ბათუმის ქუჩებში, რამდენი ტურისტი ეწვიოს საქართველოს ამ უმშვენიერეს ქალაქს არამარტო დანარჩენი საქართველოდან, არამედ თურქეთიდან, სომხეთიდან, აზერბაიჯანიდან და შესაბამისად რამხელა თანხები შევა აჭარელი ხალხის ოჯახებში, ღირს დაფიქრებად, რას იტყვით? :) - ჩვენ ხომ ტოლერანტული ქვეყანა ვართ? ხუმრობა იქით იყოს და სერ ელტონი მეუღლესთან ერთად ალბათ რომელიმე მაღალი დონის (ასეთებს რა გამოლევს ბათუმში) სასტუმროს ლუქს-ნომერში დაბინავდება, რა საინტერესოა მათი წასვლის შემდეგ ამ სასტუმროს ამ ნომრის ღირებულება აიწევს თუ დავარდება? :) - (ხუმრობა იქით იყოს-თქო ხომ ვთქვით?) მოამზადა მაკა ლოჩოშვილმა კუტუნიო გლდანში ამღერეს და ათამაშეს მორიგი კულტ-ღირშესანიშნაობა თბილისში ბრწყინვალე შობის საღამოს დაგეგმეს და დღეს უკვე ქალაქის ერთ-ერთ პრესტიჟულ უბანში - გლდანში, ისეთი პრესტიჟული და მსოფლიო დონის ვარსკვლავი ამღერეს, როგორიც კუტუნიოა, რომელიც სხვათაშორის მიუხედავად იმისა, რომ უკვე მესამედ იყო ჩვენს ქვეყანაში კიდე ვერ გაერკვა, რომ აქ - ნადეჟდები, გალაჩკები, ნატაშები და ოლიები არ ქვიათ ქართველ მანდილოსნებს (სულ ასე მიმართავდა მათ), მას დღემდე ეჩვენება, რომ რუსეთის ერთ-ერთ რაიონშია ჩამოსული, თუმცა იმხელა წრფელი გულით უმღერა ქართულად თბილისს, რომ გლდანში შეკრებილი ნაღდი თბილისელების თვალებზე ცრემლებიც კი ააკიაფა. “ლაშანდე მიკანდარეს” ხულიოსავით თავპატიჟი არგამოუდია და რამდენიმე სიტყვა ქართველი ჟურნალისტებისთვის ალალად გაიმეტა, სადაც ლამის ზედ დაადნა თბილისს და თბილისელების სიყვარულით აღივსო. სხვათაშორის კუტუნიოს, რომ ვუსმენდით, მისი ხმის ტემბრის გამგონეთ უცნაური კითხვა გაგვიჩნდა - ნეტავ ზურა დოიჯაშვილისთვის, რომ გადაეხადათ იმ ჰონორარის 20% რაც იტალიელს მისცეს, გლდანელები იგივე ტაშს დაუკრავდნენ თუ არა-თქო? ანდა ნეტავ ზურა დოიჯაშვილის გულს ეყოფოდა თუ არა სამკურნალოდ იმ ჰონორარის ნაწილი მაინ-თქო? მაგრამ - ხმამაღლა კითხვის დასმა, რომ გადავწყვიტეთ, სწორედ მაშინ ესტუმრა გლდანს ქვეყნის მთავარსარდალი და ტრადიციულად ხალხში სიამოვნებით გაერია, ხალხიც ტრადიციულად ეფერებოდა და ესიყვარულებოდა ბ-ონ მიშას, პატარა ბავშვები გინდა თუ ხანშიშესული ბებიები, თუმცა ვერ დავადგინეთ რატომ იყვნენ სანდომიანი სახის მოხუცი ბებიები კუტუნიოს კონცერტზე იმ ჭყლეტვაში მისულები, როცა მინიმუმ ამ დროს ტაძარში უნდა ყოფილიყვნენ, ან საყვარელ შვილიშვილებთან ერთად (ალბათ არც შვილიშვილები ყავდათ და კუტუნიოს სიყვარული მაინც თავისას შვება, რადგან ასეთი დონის ვარსკვლავები (!) ხომ ვედრო მანეთად არ ყრია საქართველოში?) საერთო ჯამში ხალხი კარგად გაერთო სანახაობით, სახლში დაბრუნებულებს პურიც ჯერ-ჯერობით დახვდათ კარადებში და მეტი რა გინდა ადამიანს? პური და სანახაობა? დანარჩენი? დანარჩენზე 2012 წლის 21 დეკემბრის 23:11 საათის შემდეგ ვიფიქროთ აწი :) მოამზადა მაკა ლოჩოშვილმა საახალწლო კონცერტები - განახლებული მარჯანიშვილიდან განახლებულ ბათუმამდე ქვეყნის მთავარი მუსიკალური მოვლენის, საქართველოს მუსიკალური დაჯილდოების “მეგას” ცერემონიალის შემდეგ ქართველი მომღერლებისთვის ვნებათამაღელვებელი ყოველთვის ახალი წლის საკონცერტო პროგრამებია, რადგან ეს იმ იშვიათ-შანსთაგანია, როცა ტაშთან ერთად, რაღაც ერთი-ორი კაპიკი ჰონორარიც მიიღო, მაგრამ არა შენი შემოქმედებით სალაროზე გაყიდული ბილეთებიდან, არამედ მთავრობის მიერ “დაქირავებული” “ტენდერ-მოგებული” :) საპროდიუსერო კომპანიებისგან, რომლებსაც აქვთ ბედნიერება წელიწადში რამდენჯერმე მსუყე ჰონორარებით გაახარონ და დაასაქმონ ქართველი შემსრულებლები, სხვათაშორის ნებისმიერი მათგანი ჯგუფი “მირაჟიდან” დაწყებული ლელა წურწუმიათი დამთავრებული, გააჩნია გამომსვლელთა სიას ვინ წერს. . . თბილისში მარჯანიშვილის ნახევრადგარემონტებულ და ნაუცბათევად გახნილ მოედანზე ჩატარებულ კონცერტს, რომელსაც ორგანიზებას სტეფანე მღებრიშვილი და კახაბერ ცისკარიძე ხელმძღვანელობდნენ, რამდენიმე ათასამდე თბილისელი დაესწრო, რომლებმაც სახლში “ბეზპონტა” ჯდომას და სმას, ქუჩაში ქართველ შემსრულებლებთან ერთად 2012-ს შეხვედრა არჩიეს. ასევე რამდენიმე ათასი ადამიანი ესწრებოდა ბათუმში გამართულ გრანდიოზულ (ფინანსურად რათქმაუნდა) ღონისძიებას, რომელსაც მთავარი გმირი, მსოფლიო დონის ვარსკვლავი ხულიო იგლესიასი ალამაზებდა, უფრო სწორად მას ტრადიციულად დიდ ვარსკვლავებთან მოდუეტე სოფო ნიჟარაძე ალამაზებდა, თორე ხულიო უკვე ბებერია, ეგ რისი გამლამაზებელია, ქართველი ჟურნალისტებისთვის სამათხოვროდ ერთი ფრაზაც კი არ უსროლია, - ენრიკე ხომ არაა ბოლო-ბოლო? :) ძალიან ბევრ ქალაქში, რაიონში და დასახლებულ პუნქტში გაიმართა გრანდიოზული საახალწლო კონცერტები, რომლებზეც სხვათაშორის თბილისის მერიის კულტურის სამსახურმა ნეკა სებისკვერაძის და ზემოხსენებული სტეფანე-კახუჩელას ტანდემის დახმარებით დაიგეგმა, გადანაწილა მომღერლები, ზოგს თბილისში მიუჩინეს ადგილი, ზოგს ბათუმში, ზოგს ქუთაისში, ზოგს გორში და ზოგს ანაკლიაში, მთავარი იყო შავ სიაში არ მოხვედრილიყავი და აუციელბლად ჩაჯდებოდი რომელიმე კონცერტში, თუმცა ჯერ-ჯერობით ვერ დავადგინეთ (აუცილებლად ვეცდებით) სად და რომელი ქალაქის სახალხო კონცერტებში მიიღეს მონაწილეობა - ეკა კვალიაშვილმა, მაია ჯაბუამ, ჯემალ სეფიაშვილმა, ბერამ და სხვა ვარსკვლავებმა. ღმერთმანი კარგია, რომ წელიწადში სამჯერ მაინც ტარდება საქარველოში “მასოვკა” კონცერტები (სხვადასხვა საბაბით - 26 მაისი, თბილისობა, ვარდების ან აჭარის რევოლუციის რომელმე წლისთავი და ა.შ.) თორემ გაქრა სტიმული და ეს მოჩვენებითი ეიფორიაც დიდხანს აღარ გრძელდება ხოლმე, განა რამდენხანს უნდა ეყოს ახალი წლის კონცერტზე აღებული 700 ლარიანი ჰონორარი რომელმე ქართველ მომღერალს? დიდი-დიდი ერთი თვე და ისიც დენის, გაზის და ნაგვის გადასახადში თუ გახარჯავენ, თორემ ბიჭოლსანაირ დიზაინერებთან (ლილოში 5 ლარად ნაყიდ ნაჭრებს 500 ლარად, რომ ატენიდა) დიდი ხანია აღარ იზმანებიან - ახლა მოდაშია ევროპული, მერე რა რომ ჩინური დრაკონის წელია 2012 :) მოამზადა მაკა ლოჩოშვილმა პრეზიდენტის ახალი ფავორიტი ეს ახალგაზრდა მოცეკვავე მშვენიერი, სექსუალური ქალბატონი - სოფო ბურდილაძეა, რომელიც პირველად ბათუმზე გადაღებულ ახალ კლიპში გამოჩნდა სახალხოდ, შემდეგ კი, ხულიო იგლესიასის კონცერტზეც იცეკვა 31 დეკემბერს. ჟურნალ “გზასთან” საუბარში სოფო დეტალურად ყვება როგორ მოხვდა კლიპში და როგორ დაიწყო მისი კარიერული განვითარება. ახალგაზრდა მოცეკვავე ამბობს, რომ - ახალი კლიპისთვის იგი პრეზიდენტმა 250 კონკურსანტიდან აარჩია და კლიპში მონაწილეობის მიღება შესთავაზა. მანამდე კი ანაკლისს პატრიოტთა ბანაკში მოღვაწეობდა, ბ-ონ მიშასთან შეხვედრისას სააკაშვილმა მისი თავი გიგი უგულავას დედას ქ-ონ ლეილას ჩააბარა, ამ გოგოს მიხედეთო. სოფო 31 დეკემბრის ღამეს გამართულ კონერტსაც იხსენებს - ხულიო იგლესიასი შეუდარებელი იყო. სპეციალურად მის სიმღერაზე “ნოსტალგია” კლიპიც გადავიღეთ, რომელიც თავად ძალიან მოეწონა და მადლობა გადაგვიხადა. ბათუმზე გადაღებული ახალი კლიპი, რომელშიც ტანგოს ვასრულებ, ქუჩაში დამონტაჟებულ დიდ ეკრანზე ტრიალებდა. ქუჩაში ხალხი მცნობდა და ლამაზად შესრულებული ცეკვისთვის მადლობასაც მიხდიდა” - ამბობს სოფო. მოცეკვავეს უკვე ასახელებენ პრეზიდენტის ახალ ფავორიტად და შესაბამისად მორიგ ახალ წარმატებებსაც უწინასწარმეტყველებენ ექსკლუზივი ხობის მე-5 საერთაშორისო ფესტივალიდან "სიმღერა სამეგრელოზე" გადაცემაში "პირისპირ" გადმოწერეთ გადაცემა და მოუსმინეთ მარიკა კვალიაშვილის, ნუნუ გაბუნიას, დათო ხუჯაძის და სხვების ექსკლუზიურ ინტერვიუებს რადიო "საქართველოს ხმის" პირდაპირ ეთერში სამშაბათს, 20 სექტემბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" - მორიგი ექსკლუზიური მასალა გავიდა, რომელიც ხობში ჩატარებულ საერთაშორისო ფესტივალ "სიმღერა სამეგრელოზე 2011"-ს ეხებოდა. მოუსმენთ ექსკლუზიურ ინტერვიუებს ფესტივლის ორგანიზატორთან გოდერძი ბუკიასთან, მარინა მიქაიასთან, კომპოზიტორ მარიკა კვალიაშვილთან და ნუნუ გაბუნიასთან, ასევე ექსკლუზიურ ინტერვიუს დათო ხუჯაძესთან, რომლებიც დეტალურად მიმოიხილავენ ხობის მე-5 ფესტივალს "სიმღერა სამეგრელოზე". მხოლოდ ჩვენი რეპორტაჟი გთავაზობთ ექსკლუზიურ მასალებს ამ და სხვა იქ მიმდინარე ამბების შესახებ. გადმოწერეთ აღნიშნული ფაილი და მოუსმინეთ ინტერვიუს ჩანაწერს, მონტაჟის გარეშე. შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და ასევე შეგიძლიათ გადაცემის მსვლელობის დროს დარეკოთ პირდაპირ ეთერში ნომერზე 2-20-10-79 (დააწკაპუნეთ ამ წარწერაზე და გადადით გადმოწერის გვერდზე) ესეც ხუთი. . . “სიმღერა სამეგრელოზე” რეპორტაჟი ხობის მე-5 საერთაშორისო ფესტივალიდან ორ წელიწადში ერთხელ სამეგრელოს გული “მეგრული სიმღერის ფესტივალს” მასპინძლობს, 2011 წელი რიგით მე-5 იყო, როცა ხობმა ამ დღესასწაულს უმასპინძლა და ალბათ მიკერძოებულები ვიქნები, რომ არ ვაღიარო, თუ რა დიდ საქმეს აკეთებს ეს მეგრელი კაცი ამ ფესტივალით, რომლის კეთების ენთუზიაზმი მიუხედავად ბევრი პრობლემისა, მაინც არ უქრება. გოდერძი ბუკია, პარლამენტში ხობის მაჟორიტარი დეპუტატია, ბიზნესმენი, მეცენატი, ამ იდეის ავტორი და ამ ფესტივალის ორგანიზატორი, ღირსეული მეგრელი, რომელმაც სტიმული მისცა ახალ თაობას ახალი მეგრული სიმღერების შექმნისა და ძველ, ტრადიციულ სიმღერებთან ერთად ახლის გვერდით დადგომას. უამრავი სტუმარი საზღვარგარეთიდან, ფოლკორული ანსამბლები, სოლო-შემსრულებელები და ნოვაცია - გამორჩეული სპორტსმენების დაფასება, წელს ეს ბედნიერება ქართული ფეხბურთის სამ ლეგენდას ხვდა წილად. უამრავი ახალი წიგნი, კომპაქტ-დისკი, მოკლედ - თამამად შეიძლება ითქვას, რომ ისტორიას რეალურად სერიოზული არქივი გადაეცემა, რომელიც უბრალოდ არასოდეს დაიკარგება, უდაოდ დიდი შრომაა ჩადებული ორგანიზატორებისგან ამ საგამომცემლო საქმიანობისას. 16-18 სექტემბერს ხობმა ტრადიციულად უმასპინძლა ღონისძიებას და ტრადიციულად შემქომედებითად (!) მაღალ დონეზე წარსდგა მოწვეული სტუმრებისა თუ მასპინძლების წინაშე, რასაც ალბათ ყველა საინფორმაციო საშუალებით უკვე ნახავდა ჩვენი მკითხველი, ამიტომ ამით თავს აღარ მოგაწყენთ და მხოლოდ იმ კურიოზულ დამოკიდებულებაზე მოგითხრობთ ჟურნალისტების ნაწილის მიმართ, რომელიც საორგანიზაციო ქაოსის გამო თავისდაუნებურად შეემთხვა ჟურნალისტთა 25 კაციან ჯგუფს და ვეცდებით ეს იუმორში გავატაროთ. . . (დააწკაპუნეთ ამ ნაწერზე და გადადით რეპორტაჟის გვერდზე) "გოლდენ ტალანტის" ექსკლუზივი გადაცემაში "პირისპირ" რადიო "საქართველოს ხმის" პირდაპირ ეთერში სამშაბათს, 12 სექტემბერს - 19:00 საათიდან ჟურნალისტ ბესიკ ჩუბინიძის გადაცემაში "პირისპირ" - მორიგი ექსკლუზიური მასალა გავიდა, რომელიც ბთუმში ჩატარებულ საერთაშორისო სატელევიზო კონკურსს "გოლდენ ტალანტ 2011"-ს ეხებოდა. მოუსმენთ ექსკლუზიურ და სკანდალურ ინტერვიუებს მონაწილეებთან, წამყვანებთან და ორგანიზატორებთან. ჩვენს საიტზე გასული რეპორტაჟის შემდეგ ეს გადაცემა გახდა რეალური დასტური იმისა, რომ, რაც ამ სტატიაშია გამოქვეყნებული პირველიდან ბოლო სიტყვამდე რეალობას შეესაბამება გადმოწერეთ აღნიშნული ფაილი და მოუსმინეთ ინტერვიუს ჩანაწერს, მონტაჟის გარეშე. შეგახსენებთ, რომ ყოველ სამშაბათს რადიო"საქართველოს ხმის" ეთერში უსმინეთ გადაცემას "პირისპირ" საღამოს 19:00 საათიდან და ასევე შეგიძლიათ გადაცემის მსვლელობის დროს დარეკოთ პირდაპირ ეთერში ნომერზე 2-20-10-79 არა სომეხი, არა ქართველი, არამედ სულ სხვა ვარსკვლავთცვენა ბათუმურ “გოლდენ ტალანტზე” დაიწერა, სიუჟეტებიც გავიდა, ბევრმა რეკლამამაც იტრიალა, ბევრი დაპირებაც ისმოდა - და ბოლოს, ეს დღეც დადგა: პირველი ქართული საერთაშორისო (!) სატელევიზო კონკურს-ფესტივალი ჩატარდა, ბათუმმა 7-10 სექტემბერს “გოლდენ-ტალანტ საქართველო 2011”-ს უმასპინძლა. ინტერნეტ-ჟურნალი “ვარსკვლავები” არც ამ კონკურსის საინფორმაციო მხარდამჭერი ყოფილა, არც პარტნიორი და არც თანაორგანიზატორი, მაგრამ იყო სისხლხორცეულად მისი ლამაზად და ხარისხიანად ჩატარებით დაინტერესებული, სწორედ ამიტომ აღმოჩნდა ის საკუთარი (!) ხარჯით და მეგობრების დახმარებით კონკურსზე (რისთვისაც მადლობას ვუხდით ჩვენს თბილისელ კოლეგას კობა ბრეგვაძეს და “ვარსკვლავების” ბათუმის ბიუროს ჟურნალისტებს ნათია შერვაშიძეს და ინგა ბერაძეს). პირველი რაც ორგანიზატორთა “ძაღლის ბედზე” მეტყველებს :) 7 სექტემბერს ბათუმის თავზე მზის გამოჩენა იყო, რადგან ტურისტებს-დანატრებულ აჭარლებს ყველაზე მეტად სწორედ მზის დანახვა ახარებთ და ჩავრდნილი საკურორტე სეზონის გამო შეწუხებულები, მზის ყოველ გამონათებას ბედნიერები უყურებენ და ასეც მოხდა - ფესტივალი ღია ცის ქვეშ (!) ტარდებოდა და სტუმარ-მასპინძელს მაგრად გაუმართლა. (თუმცა ბოლო, დახურვის დღეს ბათუმმა თავისი ქნა და დილიდან წარღვნა მიუშვა ქალაქს) მოკლედ, 18 კონკურსანტი ადგილზე იყო, ბილეთის სიძვირის გამო (120 ლარიდან იწყებოდა ფასი) 3.000 კაციანი სახელდახელოდ მოწყობილი დარბაზი ნახევრადსავსე (და არა ნახევრადცარიელი) იყო, - ლამაზი სცენა, დეკორაციები, ინფრასტრუქტურა, გასახდელ-გამოსაცვლელად იქვე სცენის უკან არსებული უაზრო დიზაინის კლუბი “ბამბა-რუმსი” გამოიყენეს. იყო ვარსკვლავთა დასახვედრად განკუთვნილი წითელი ხალიჩაც, შესაბამისად იყვნენ ვარსკვლავებიც - “ბლუც” ჩამოვიდა და იმღერა (თუმცა ცოტა სასაცილო იყო ჩვენს მიერ გადაღებული ექსკლუზიური კადრები, როცა ერთ-ერთი “ბლუ” აჭარის კულტ.მოხელეს ეკითხება - უკაცრავად ვინ მოგვიწვია, რა დაწესებულებაა, ეს რა ფესტივალიაო და მშვენიერი ქალბატონიც მონდომებით უხსნიდა “ბლუელს” სადაც მოხვდა და სადაც იყო). “ბლუს” გარდა იყვნენ ამერი, ქეით რაიანი, ევა საიმონსი და სხვანი, რომლებიც თავისთავად ე.წ. ვარსკვლავთა ჟიურის წევრებიც იყვნენ და ქულებს 6-დან 10-მდე მონდომებით ანაწილებდნენ, თან სცენიდანაც არ იშურებდნენ სიმღერებს მაყურებლისთვის. პირველ ტურში ჩვენმა ქართველმა - სალომე ქათამაძემ აბსოლიტური უპირატესობით დაამარცხა ყველა დანარჩენი 17 და უმაღლესი ქულებით კონკურსანტთა სიას სათავეში ჩაუდგა, - სალომემ მართლაც ყველაზე მაგრად იმღერა, მაგრამ მაყურებელში მაინც ჩუმ-ჩუმად ჭორაობდნენ - ტეხავს პირველივე ფესტივალზე ქართველის გამარჯვებაო, - თანაც სალომეს ქულების კუდში, სომეხი შემსრულებელი გოგონა მოსდევდა და არც მოლდოველები და ბრიტანელი შემსრულებლები ჩამორჩებოდნენ. საერთო ჯამში საპრიზო 20.000 დოლარისთვის ბრძოლა თავიდანვე დაიძაბა, 15.000 და 10.000-ზეც არავინ იქნებოდა უარს, მაგრამ ტიტული მაინც მთავარი იყო. კონკურსის მეორე დღეს სალომე ფავორიტი იყო, მაგრამ გიგა კუხიანიძის სიმღერამ არ გაამართლა და ჟიურიმ ის დაბალი ქულებით შეაფასა, არც საზოგადოებას მოწონებია ეს სიმღერა და სახეზე ეტყობოდა, რომ არც თავად სალომეს მოსწონდა ის, და რაღაც მთლად გულიდანაც არ მღეროდა. ყველას ეგონა, რომ როგორც ყველა კონკურსანტი ისიც ნაციონალურს იმღერებდა რამეს, მეორე საკონკურსო დღეს და სულ თუ არაფერი თავის “ციცინათელას” მაინც, მაგრამ არა. პოზიციების დათმობის მიუხედავად ჩვენი ქართველი მაინც ინარჩუნებდა პირველი ადგილის მიღების რეალურ შანსებს, რადგან გარდა “ვარსკვლავური ჟიურისა” იყო სატელევიზო ჟიური და მაყურებელთა ჟიური. მაყურებელი კი ერთი დღის დაგიანებით (ჩანაწერში და არა პირდაპირ ეთერში, როგორც ეს ბოლო წუთამდე რეკლამირდებოდა) უყურებდა კონკურსანტთა გამოსვლას. მოკლედ, მესამე შემაჯამებელ დღეს როცა იქაურობა ბათუმურ თქეშს, წვიმას და ხოშკანკალს მიჰქონდა მაყურებლით სავსე (!) სახელდახელო დარბაზი ელოდა, რომ პირველ ადგილს ან სალომე ან სომეხი კონკურსანტი აიღებდა, თუმცა ის წილად მოლდოველ მომღერალს (სხვათაშორის წარმატების პერსპექტივები აშკარად აქვს ამ ბიჭუნას) ხვდა წილად, სომეხი გოგონა საერთოდ ვერ მოხვდა სამეულში და მეხუთე ადგილზე გამწესდა და ჩვენი სალომე კი, მეორე ადგილს დასჯერდა, მესამეზე კი, დიდი ბრიტანეთი გავიდა. დაჯილდოების ცერემონიალმა უცებ-უცებ ჩაიარა, სამეულში ვერ-გასულებს “ვულე-ვუს” პაკეტში ჩაწყობილი რაღაცეები (!) გადასცეს და ცოტა მარაზმული დასანახი იყო თუ როგორ აჩუქეს ლიტვის სახელით გამოსულ ორ აშხვართულ, ლამაზ, ანგელოზივით გოგონას (დუეტს) ერთი ცალი “ვულე ვუს” პატარა პარკი, რატომ დაენანა ამ კომპანიას ცოტა მეტი საჩუქარი დაეწესებინა ვერ მივხვდით. გულდაწყვეტილები იყვნენ სხვა მონაწილეებიც, “ვარსკვლავები” ექსკლუზიურად გაესაუბრა მათ და ამ ჩანაწერის მოსმენა თქვენ ჩვენს საიტზევე შეგიძლიათ. ლამაზი და დადებითი ბევრი იყო, უპირველეს ყოვლისა თავად ფაქტი, რომ მსგავსი მაშტაბების ღონისძიება საქართველოში (მართალია წამგებიან პერიოდში, რადგან ის კარგი იქნებოდა აგვისტოს დასაწყისში გაკეთებულიყო და არა შემოდგომაზე) პირველად ჩატარდა, ეკა ჩიტაშვილის (ორგანიზატორი) სანაქებოდ უნდა ითქვას, რომ ის საერთაშორისო კონკურსების “სპეცია” და აშკარად მონდომებული იყო, რომ ყველაფერი უმაღლესად ყოფილიყო, - კარგი იყო ისიც, რომ კონკურსზე საერთაშორისო ვარსკლავები მონაწილეობდნენ და მღეროდნენ, კიდევ იყო ბევრი კარგი რაღაც. . . ცუდი იყო, რომ არ გაიყიდა ბილეთები და ხალხს არ დააინტერესა მსგავსი სახის კონკურსმა (უბილეთო მაყურებლის შემოყვანითაც ვერ შეივსი ადგილები), ცუდი იყო, რომ ჟურნალისტები მხოლოდ ფორმალურად დაინტერესდნენ კონკურსით (არავითარი პაპარაცი, არავითარი კულისებში ჩალიჩი და მხოლოდ ტელე-კომპანია “მიუზიქ ბოქსი” და ინტერნეტ-ჟურნალი “ვარსკვლავები” მუშაობდნენ სრული დატვირთვით სამივე დღეს), ცუდი იყო, რომ არ იყო არავისთვის (!) უფასოდ ცხელი ჩაიც კი, არ იყო წესიერი “ავთა-ფართი” და ჟურნალისტებისთვის არ იყო მუშაობის არანაირი პირობა შექმნილი. დასკვნის სახით, რეზიუმე გვინდა გავაკეთოთ - არავინ იცის ჩატარდება თუ არა “გოლდენ ტალანტ 2012” ბათუმში, მაგრამ ვისურვებდით, რომ ჩატარებულიყოს და საორგანიზაციო კომიტეტში მეტი პასუხისმგებლობის მქონე ქართველები (!) ყოფილიყვნენ, ვისაც რამე გამოცდილება აქვს ფესტივალებსა და კონკურსებთან ურთიერთობაში, თორემ ასე საქართველოს საკალათბურთო ნაკრების წარუმატებლობასაც კი ვუყურეთ პირდაპირ ეთერში, მაგრამ მოთამაშეთა და კოკოშკოვის ბრძოლისუნარიანობა, ჟილკა და საკუთარი საქმის სიყვარული მათაც კი ეტყობოდათ კოჭებში. შეგიძლიათ დაგვირეკოთ და ჩვენი ჟურნალისტები მიიწვიოთ ნებისმიერი კულტ-ღონისძიების გასაშუქებლად. დარეკეთ 899-57-66-22

Beso Chubinidze